Last Modified: August 01 2014 05:58:06.

ശരത്ക്കാല സന്ധ്യകൾ ഉറക്കംപിടിച്ചപ്പോൾ
ശരറാന്തൽ വിളക്കുകൾ തെളിഞ്ഞപ്പോൾ...(2)
ശശികല ചൂടിയ രജനീ നീ എന്റെ
ശയനമുറിയിൽ വന്നതറിഞ്ഞൂ ഞാൻ
ശയനമുറിയിൽ വന്നതറിഞ്ഞൂ ഞാൻ....
ശരത്ക്കാല സന്ധ്യകൾ ഉറക്കംപിടിച്ചപ്പോൾ
ശരറാന്തൽ വിളക്കുകൾ തെളിഞ്ഞപ്പോൾ....

തനുവാകെ മുല്ലപ്പൂ പരിമളം പുരട്ടി നീ
കുളിരുമായ് കുണുങ്ങി എൻ അരികിൽ നിൽക്കേ...(2)
ഞാൻപോലുമറിയാതെൻ ആത്മാവിലായിരം
തേനോലും സ്വപ്നങ്ങൾ വിരിഞ്ഞു നിന്നു
തേനോലും സ്വപ്നങ്ങൾ വിരിഞ്ഞു നിന്നു...
ശരത്ക്കാല സന്ധ്യകൾ ഉറക്കംപിടിച്ചപ്പോൾ
ശരറാന്തൽ വിളക്കുകൾ തെളിഞ്ഞപ്പോൾ....

കൈനീട്ടി പുണർന്നു ഞാൻ കവിളത്തു മുകർന്നപ്പോൾ
അതുവരെ പൂക്കാത്ത രോമഹർഷം....(2)
വിരൽ തൊട്ടുണർത്തുമ്പോൾ ഹൃദയവിപഞ്ചിയിൽ
അതുവരെ കേൾക്കാത്ത രാഗവർഷം
അതുവരെ കേൾക്കാത്ത രാഗവർഷം...
(ശരത്ക്കാല സന്ധ്യകൾ...)