Last Modified: February 29 2012 14:46:21.Added by [email protected] on October 12, 2008


രാത്രി മുഴുവന്‍ മഴയായിരുന്നു
മനസ്സു നിറയെ കുളിരായിരുന്നു
മൌനമേ, മൌനമേ നിന്‍ മടിയില്‍ ഞങ്ങള്‍
മഞ്ഞുതുള്ളികളായിരുന്നു (ആ രാത്രി മുഴുവന്‍ )

പുഴയിലേതോ കേവുവള്ളം
പുലരി തേടുകയായിരുന്നു - - ആ ആ (പുഴയിലേതോ)
തൂവല്‍ നനയാ- തൊന്നുറങ്ങാന്‍ (തൂവല്‍)
കിളികള്‍ അലയുകയായിരുന്നു കൂടു തിരയുകയായിരുന്നു (ആ രാത്രി മുഴുവന്‍ )

മലയിലെങ്ങോ മയിലിനങ്ങള്‍
മദന ലീലയിലായിരുന്നു - - ആ ആ (മലയിലെങ്ങോ)
നഖശിഖാന്തം ഞങ്ങള്‍ രണ്ടും (നഖശിഖാന്തം)
നിധികള്‍ പരതുകയായിരുന്നു ലഹരി നുണയുകയായിരുന്നു. (ആ രാത്രി മുഴുവന്‍ )