Last Modified: February 29 2012 14:45:24.
കോയിക്കോട്ടൊരു കോയാ പണ്ടൊരു പെണ്ണുകാണാന്‍ പോയി
ഖത്തറില്‍ നിന്നും കൊണ്ടുവന്നോരത്തറു മെയ്യില്‍ പൂശി
കല്ലായിപ്പുഴക്കക്കരെയക്കരെയുള്ളൊരു വീട്ടില്‍ പോയി
പട്ടുറുമാലും കെട്ടി പുതിയൊരു കെസ്സും ചുണ്ടില്‍ പേറി
മൊഞ്ചേറും ഒരുഹാലില്‍ പുതുമണവാളന്റെ ചേലില്‍
[കോയിക്കോട്ടൊരു കോയാ]

പൂന്തട്ടംചൂടിയ പൂനിലാവെന്നപോല്‍
നാണത്തില്‍ മുങ്ങിയ പൂങ്കിനാവെന്നപോല്‍
എയ്ത് വിരിച്സിട്ട് ചാരത്ത് വന്നൊരു
ആരംബക്കന്നിയെ കണ്ട്
നിക്കാഹ് ചെയ്യാന്‍ തന്‍ വീടരാക്കാന്‍
സമ്മതം മൂപ്പര് മൂളി
പെരുത്ത് പെരുത്ത് സമ്മതമാണെന്ന് എല്ലോരും കേള്‍ക്കെ ചൊല്ലി
തന തന്താനതാനനതാനാ തന തന്ത്രിതത്തു താതനതാനാ

നെയ്ച്ചോറിനൊപ്പം കോഴിപൊരിച്ചതും
അയ്‌ക്കൂറവച്ചതും പിന്നെ
പഴം നിറച്ചതും പത്തിരി ചുട്ടതും
കരള്‍ കറിവെച്ചതും പിന്നെ
കായവറുത്തതും കല്ലുമ്മെക്കായും
തക്കാരം നടത്താനായ്
അമ്മായി വന്ന് പുയ്യാപ്ലേകണ്ട് അന്തം വിട്ട് ചൊല്ലി
അള്ളോ ഇയാള് പണ്ട് ഞമ്മളേം പെണ്ണുകാണാന്‍
വന്നതാണേ
തന തന്താനതാനനതാനാ തന തന്ത്രിതത്തു താതനതാനാ
തന തന്താനതാനനതാനാ തന തന്ത്രിതത്തു താതനതാനാ
തന തന്താനതാനനതാനാ തന തന്ത്രിതത്തു താതനതാനാ