Last Modified: January 09 2013 06:56:46.


ദേവത ഞാൻ ജല ദേവത ഞാൻ
സങ്കൽപ്പ സാഗര ദേവത ഞാൻ
ഗായകൻ ഞാൻ വനഗായകൻ ഞാൻ
മായിക രാഗത്തിൻ മലർവനത്തിൽ

മുഴുകുന്നു ഞാൻ മുഴുകുന്നു
മുരളീ മൃദുരവ മാധുരിയിൽ (മുഴുകുന്നു)
പ്രാണസഖീ എൻ ഹൃദയസഖീ
ഗാനത്തിൻ പല്ലവി ഇതു മാത്രം (പ്രാണസഖീ)
ദേവത വരൂ ദേവത വരൂ
തരൂ തരൂ പ്രണയചഷകം
(ദേവത ഞാൻ)

ചന്ദനശീതള മണിയറയിൽ
ചന്ദ്രികവന്നു നവവധുവായ്‌(ചന്ദനശീതള)
മുന്തിരിയേന്തിയ താലവുമായ്‌
വെണ്മുകിൽ വന്നു പ്രിയസഖിയായ്‌(മുന്തിരിയേന്തിയ)
മണ്ഡപമതാ ആലകളതാ
വരൂ വരൂ വിരുന്നു കൂടുവാൻ (ഗായകൻ)