Last Modified: February 29 2012 14:37:39.
നീലമുകിലേ നിന്നുടെ നിഴലില്‍
പീലിനീര്‍ത്തിയ പൊന്മയില്‍ ഞാന്‍ (നീലമുകിലേ)

രാജഹംസത്തെ ദൂതിനയച്ച
രാഗകഥയിലെ നായിക ഞാന്‍ (രാജഹംസത്തെ)
മലര്‍മിഴിയാലേ ലേഖനമെഴുതി
മലര്‍മിഴിയാലേ ലേഖനമെഴുതി
മറുപടി കാക്കും കാമിനി ഞാന്‍ (നീലമുകിലേ)

പ്രേമസാഗരതീരരാജിത
മദനമന്ദിര മണിയറയില്‍ (പ്രേമസാഗര)
കനകക്കിനാവിന്‍ ദീപപ്രഭയില്‍
കനകക്കിനാവിന്‍ ദീപപ്രഭയില്‍
കവിതകള്‍ തീര്‍ക്കും കന്യക ഞാന്‍ (നീലമുകിലേ)