കടം കൊണ്ട (വാസ്തവം )
This page was generated on March 28, 2024, 10:09 pm UTC
വിശദവിവരങ്ങള്‍
വര്‍ഷം 2006
സംഗീതംഅലക്സ്‌ പോള്‍
ഗാനരചനഗിരീഷ് പുത്തഞ്ചേരി
ഗായകര്‍രെജു ജോസഫ്‌
രാഗംസിന്ധു ഭൈരവി
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:43:23.
 
കടം കൊണ്ട ജന്മം പേറി
കിതപ്പിന്റെ ഭാരം താങ്ങി
താന്തമാം ദൂരം താണ്ടും തീരാസഞ്ചാരം
മാമഴക്കാലം പോലെ എരിവെയിൽ നാളം പോലെ
ഓർമ്മകൾക്കുള്ളിൽ നീറും നോവിൻ സഞ്ചാരം
വേനലിൻ തീരങ്ങൾ പിന്നിൽ മായുമ്പോഴും
പാതിരത്താരങ്ങൾ കനൽ പെയ്യുമ്പോളും
(കടം കൊണ്ട..)

എങ്ങുമീ ഇരുളിന്റെ പകയാർന്ന പാളം
സങ്കട നിഴലിന്റെ നിലയ്ക്കാത്ത നീളം (2)
ഓർമ്മയിൽ ഇരുട്ടേറുന്നു ജീവിതം ഉരുക്കാകുന്നു
ഓരത്തു വിറ കൊള്ളും നിഴലാണ് നമ്മൾ
കാർമുകിൽ കഴുകന്റെ ചിറകാണു നമ്മൾ
ഉദിക്കുന്നു പിന്നെയും കൊതിയോടെ നമ്മൾ
(കടം കൊണ്ട..)

യാത്രകൾ തീരാത്ത നേരിൻ നിയോഗം
തീപുക തേടുന്ന വണ്ടിൻ വിയോഗം (2)
പാതിരാ പടർന്നേറുന്നു പാപികൾ തനിച്ചാവുന്നു
ഏകനായലയുന്ന മനുഷ്യന്റെ മൗനം
ഏതൊരു തീരാത്ത പകലിന്റെ ശാപം
പുനർജന്മം ഇല്ലാത്ത മനുഷ്യന്റെ ശോകം
(കടം കൊണ്ട..)





malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts