നാദം മണിനാദം (നാടോടി )
This page was generated on May 27, 2024, 12:03 pm UTC
വിശദവിവരങ്ങള്‍
വര്‍ഷം 1992
സംഗീതംഎസ് പി വെങ്കിടേഷ്
ഗാനരചനഓ എന്‍ വി കുറുപ്പ്
ഗായകര്‍എം ജി ശ്രീകുമാർ
രാഗംപന്തുവരാളി
അഭിനേതാക്കള്‍മോഹന്‍ ലാല്‍ ,രൂപിണി
ഗാനത്തിന്റെ വരികള്‍
Last Modified: February 29 2012 14:42:02.
നാദം മണിനാദം പ്രണവശ്രീമണിനാദം
ചേതോഹരനാദം
ഹൃദയാകാശമുണർന്നൂ
തേടീ മമ ഗാനം തവ ഹൃദയകമല
നിഹിതമധുരമധുകണം (നാദം....)

മലർ വീണ ചൊരിയും
മനോജ്ഞമീ സ്വരം
പികനാദമായിതാ
പ്രപഞ്ചവീണയിൽ
സ്വരതരംഗമായ് സാഗരനടനകേളിയിൽ
മഴമുകിലിൻ തുടിയിൽ
തടിനിയുടെ ഗതിയിൽ
അരിയ തുഹിന കണിക പൊഴികേ
അതിലുമീ നാദം സംഗീതം


തൃക്കൈവിരലുകൾ പൊൽത്താമരയായ്
മുദ്രാമലരുകൾ പൂത്തുലയും
തൃക്കാലടികളിൽ ധിം ധിം ദ്രുതതര
താളം ത്രിഭുവനമാടുകയായ്
പാടുന്നൂ മുറിവേൽക്കുമ്പോൽ വന
വീഥിയിലീ മുള പാടുകയായ്
ഉയിരിൻ താപമുതിർന്നൂ‍ മേഘമേ നീ
മഴയുടെ കളരവമായ്
കുളിരു പെയ്തു മനസ്സിൻ മണ്ണിൽ
നാദം നാദശ്രുതിലയമായ്


ഉയിരിലെ മുറിവിലെ രുധിരമിതറിയുക
മുരളിയിലൊഴുകുകയായ്
ഇതു സുഖനിമിഷമിതിനി വിട പറയുക
പ്രിയതരമുരളിക നീ
ഇതു വഴി ഇനി വരികിൽ
ഒരു ചെറു മുരളി തരൂ
പാടുവാൻ ഇനി വീണ്ടും
പാടുവാൻ ഒരു ഗാനം






malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts