| വിശദവിവരങ്ങള്‍ | |
| വര്‍ഷം | 1967 |
| സംഗീതം | ബി എ ചിദംബരനാഥ്‌ |
| ഗാനരചന | പി ഭാസ്കരന്‍ |
| ഗായകര്‍ | കെ ജെ യേശുദാസ് |
| രാഗം | ബാഗേശ്രി |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:37:14.
മന്ദമന്ദം നിദ്രവന്നെന്‍ മാനസ്സത്തിന്‍ മണിയറയില്‍ ചിന്ത തന്റെ പൊന്‍‌വിളക്കിന്‍ തിരിതാഴ്ത്തുന്നു.. തിരി താഴ്ത്തുന്നു... ലോലമായ പാണി നീട്ടി ആരുമാരുമറിയാതെ നീലമിഴിതന്‍ ജാലകങ്ങള്‍ അടച്ചീടുന്നു.. മന്ദമന്ദം നിദ്രവന്നെന്‍ മാനസ്സത്തിന്‍ മണിയറയില്‍.. ചന്ദ്രശാലയില്‍ വന്നിരിയ്ക്കും മധുരസ്വപ്നമേ .. ഞാന്‍ നിന്‍ മടിയില്‍ തളര്‍ന്നൊന്നു മയങ്ങീടട്ടേ.. മന്ദമന്ദം നിദ്രവന്നെന്‍ മാനസ്സത്തിന്‍ മണിയറയില്‍.. ചേതനതന്‍ ദ്വാരപാലകലരുറങ്ങുന്നു ഹൃദയഭാര വേദനകള്‍ വിരുന്നുകാര്‍ പിരിഞ്ഞുവല്ലോ പ്രേമസാഗര ദേവതയാം മണിക്കിനാവേ.. എന്നെ താമരക്കൈവിരലിനാല്‍ തഴുകിയാട്ടെ... മന്ദമന്ദം നിദ്രവന്നെന്‍ മാനസ്സത്തിന്‍ മണിയറയില്‍.. ചിന്ത തന്റെ പൊന്‍‌വിളക്കിന്‍ തിരിതാഴ്ത്തുന്നു.. തിരി താഴ്ത്തുന്നു... മന്ദമന്ദം നിദ്രവന്നെന്‍ മാനസ്സത്തിന്‍ മണിയറയില്‍.. |
|