Last Modified: February 29 2012 14:26:48.
 

ആരും കേൾക്കാ‍ത്ത അനുരാഗകഥയിലെ
അപൂർവ്വനായിക നീ
ആശകൾ പൂക്കാതെ വാടിത്തളർന്നൊരു
സ്‌നേഹത്തിൻ ഗായിക നീ
ഗായിക നീ ഗായിക നീ
(ആരും കേൾക്കാ‍ത്ത ...)


പച്ചിലമാളിക പൂമുഖവാതിലിൽ
പകൽ‌ക്കിളി പറന്നിറങ്ങീ
നിൻ കരൾത്തോപ്പിലെ ചന്ദനച്ചില്ലയിൽ
പ്രേമത്തിൻ പൂക്കാലമായ്
(ആരും കേൾക്കാ‍ത്ത ...)


മംഗല്യം നടന്നൂ മധുവിധു കഴിഞ്ഞു
മധുരങ്ങളെല്ലാം തീർന്നൂ
ഓർമ്മകളുണർന്നൂ മോഹങ്ങളുടഞ്ഞൂ
ആശകൾ മാത്രം ബാക്കിയായി
നീ നോവിന്റെ ഗായികയായീ
(ആരും കേൾക്കാ‍ത്ത ...)