വിശദവിവരങ്ങള് | |
വര്ഷം | NA |
സംഗീതം | ലഭ്യമല്ല |
ഗാനരചന | ഫാ ആബേൽ സി എം ഐ |
ഗായകര് | ജിമ്മി |
രാഗം | ലഭ്യമല്ല |
ഗാനത്തിന്റെ വരികള് | |
Last Modified: July 23 2012 04:49:56.
( പതിനൊന്നാം സ്ഥലത്തേയ്ക്കു പോകുമ്പോള് ) കുരിശില് കിടത്തിടുന്നു - നാഥന്റെ കൈകാല് തറച്ചിടുന്നു മര്ത്യനു രക്ഷനല്കാനെത്തിയ ദിവ്യമാം കൈകാലുകള് "കനിവറ്റ വൈരികള് ചേര്ന്നു തുളച്ചെന്റെ കൈകളും കാലുകളും പെരുകുന്നു വേദന ഉരുകുന്നു ചേതന നിലയറ്റ നീര്ക്കയം മരണം പരത്തിയോ - രിരുളില് കുടുങ്ങി ഞാന് ഭയമെന്നെയൊന്നായു് വിഴുങ്ങി." (കുരിശില് ) ഈശോയെ കുരിശില് കിടത്തി കൈകളിലും കാലുകളിലും അവര് ആണി തറയ്ക്കുന്നു. ആണിപ്പഴുതുകളിലേയ്ക്കു കൈകാലുകള് വലിച്ചു നീട്ടുന്നു. ഉഗ്രമായ വേദന. മനുഷ്യനു സങ്കല്പ്പിക്കാന് കഴിയാത്തവിധം ദുസ്സഹമായ പീഡകള്. എങ്കിലും അവിടുത്തെ അധരങ്ങളില് പരാതിയില്ല. കണ്ണുകളില് നൈരാശ്യമില്ല. പിതാവിന്റെ ഇഷ്ടം നിറവേറട്ടെ എന്നു് അവിടുന്നു പ്രാര്ത്ഥിക്കുന്നു. ലോക രക്ഷകനായ കര്ത്താവേ, സ്നേഹത്തിന്റെ പുതിയ സന്ദേശവുമായി വന്ന അങ്ങയെ ലോകം കുരിശില് തറച്ചു. അങ്ങു ലോകത്തില് നിന്നല്ലാത്തതിനാല് ലോകം അങ്ങയെ ദ്വേഷിച്ചു. യജമാനനേക്കാള് വലിയ ഭൃത്യനില്ലെന്നു് അങ്ങ് അരുളിചെയ്തിട്ടുണ്ടല്ലോ. അങ്ങയെ പീഡിപ്പിച്ചവര് ഞങ്ങളെയും പീഡിപ്പിക്കുമെന്നു ഞങ്ങളറിയുന്നു. അങ്ങയോടു കൂടെ കുരിശില് തറയ്ക്കപ്പെടുവാനും, ലോകത്തിനു മരിച്ചു്, അങ്ങേയ്ക്കുവേണ്ടി മാത്രം ജീവിക്കുവാനും ഞങ്ങളെ അനുഗ്രഹിക്കണമേ. | |