Last Modified: September 26 2021 05:02:11.

യേശുവേ സര്‍വ്വേശസൂനുവേ
വിശ്വപ്രകാശമേ നീ നയിക്കൂ
ക്രിസ്തുവേ വേദാന്ത കാതലേ
ശൂന്യമെന്‍ മാനസം നീ നിറയ്ക്കൂ
(യേശുവേ )

നീര്‍ച്ചാലുകള്‍ തേടി വരും
മാന്‍പേട പോല്‍ ഞാന്‍ വരുന്നു (നീര്‍ച്ചാലുകള്‍ )
സ്നേഹമേ വറ്റാത്ത സ്നേഹമേ
തീരാത്ത ദാഹമായ് ഞാന്‍ വരുന്നു (സ്നേഹമേ )

വാനിലെ മാധുര്യ സിന്ധു നീ
ആനന്ദ തേന്‍പുഴയിന്നൊഴുക്കൂ (വാനിലെ )
നീയല്ലോ ജീവന്‍ നീയല്ലോ സത്യം
നീ താന്‍ പ്രകാശം യേശുമഹേശാ

ജീവദാതാ സ്നേഹരാജാ
ആത്മ നാഥാ നീ വരിക (ജീവ )
എന്നില്‍ വസിക്കൂ എന്നെ നയിക്കൂ
നിന്നില്‍ ഞാന്‍ എന്നെന്നും
ഒന്നായ് ഭവിപ്പൂ (എന്നില്‍ )
(യേശുവേ )