| വിശദവിവരങ്ങള്‍ | |
| വര്‍ഷം | 2014 |
| സംഗീതം | ലാലു സുകുമാരൻ |
| ഗാനരചന | ഉഷാന്ത് താവത്ത് |
| ഗായകര്‍ | മാസ്റ്റർ സൂരജ് വാര്യർ |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: March 14 2015 11:06:10.
കണ്ണന്റെ മുന്നിൽ പുൽനാമ്പായാലും ധന്യമല്ലോ ആ ജന്മം...(2) ഒരിക്കലുമണയാത്ത നിലവിളക്കാവാം വെണ്ണയാവാം മയിൽപ്പീലിയാവാം... കണ്ണാ...കാളിന്ദിയാവാം...ഗോക്കിടാവുമാവാം... കണ്ണന്റെ മുന്നിൽ പുൽനാമ്പായാലും ധന്യമല്ലോ ആ ജന്മം... പൂതന വിഷലേപം മാറിലാക്കി കൊതിയോടെ ഭുചിച്ചു മൃത്യു നീയേകി..(2) ആടയഴിച്ചൊരാ കൗരവസഭയിലെ നീതി പാഞ്ചാലിക്കായ് കനിഞ്ഞതും നീ... ഗോവർദ്ധനം പിഞ്ചുവിരലാൽ ഉയർത്തിയ ലീലകളെല്ലാം അറിഞ്ഞതല്ലേ... ഞാനും അറിഞ്ഞതല്ലേ... കണ്ണന്റെ മുന്നിൽ പുൽനാമ്പായാലും ധന്യമല്ലോ ആ ജന്മം... ഗീതയാൽ പാർത്ഥനു സാരമേകി ലക്ഷ്യബോധം പകർന്നവൻ നീയല്ലോ... രഥചക്രമമരുമ്പോൾ തെല്ലിട വൈകാതെ അസ്ത്രമയക്കുവാൻ ചൊന്നതും നീ.... മാതുലനിഗ്രഹ മോക്ഷമതേകിയ കേളികളെത്രയെന്നറിഞ്ഞതല്ലേ.... ഞാനും അറിഞ്ഞതല്ലേ... (കണ്ണന്റെ മുന്നിൽ....) | |