Last Modified: January 03 2013 13:24:55.

കണ്ണീരിൻ തൈലവും ഞാൻ
കൈയ്യിലേന്തി നിൽക്കും നിൻ മുന്നിൽ
ആത്മാവിൻ ആശകൾ താലത്തിൽ ഏന്തി
ആലയ വാതുക്കൽ വരുന്നു
(കണ്ണീരിൻ തൈലവും…)

അന്യഭവനങ്ങൾ പിന്നിട്ട്
നിൻ ആലയ പടി തേടുന്നു
സ്നേഹത്തിൻ മോഹനഗാനം പാടും
ദൈവമേ നിൻ അങ്കണം അഭികാമ്യം
(കണ്ണീരിൻ തൈലവും…)

പാപക്കറ നീക്കി എന്നിൽ
കരുണാമയൻ നീ വാണരുളണമേ
ശാന്തി തൻ പൂമഴ എന്നും ചൊരിയും
ദൈവമേ നിൻ അങ്കണം അഭികാമ്യം
(കണ്ണീരിൻ തൈലവും…)