Last Modified: June 19 2013 05:00:48.

അഴുതയും പമ്പയും സ്തുതി പാടിയൊഴുകുന്ന
വനതടമാകണം മമ ഹൃദയം
അതിലോരോ നിമിഷവും ഉണരുമെൻ സ്പന്ദങ്ങൾ
അയ്യപ്പസ്വാമി തൻ കഥയാകണം
അവിടുന്നീ അടിമയ്ക്ക് തുണയാകണം
(അഴുതയും പമ്പയും…)

അറിയാതെ ഞാൻ ചെയ്ത പുണ്യപാപങ്ങളെ
ഇരുമുടിക്കെട്ടാക്കി ശിരസ്സിലേറ്റി (2)
ഒരു പാടു ജന്മങ്ങൾ ശരണത്തിൻ തണൽ തേടി (2)
അലയുമ്പോൾ നീയെന്നെ കണ്ടറിഞ്ഞു
തൊഴുകൈയ്യുമായ് ഞാൻ മുൻപിൽ നിന്നു
(അഴുതയും പമ്പയും…)

തുമ്പങ്ങളൊക്കെയും സ്വാമി തൻ തൃക്കാൽക്കൽ
തുമ്പപ്പൂവിതളായ് ഞാൻ ചൊരിഞ്ഞിടുമ്പോൾ (2)
പന്തളപുണ്യമാം തമ്പുരാനേ കണ്ണിൽ
പമ്പയായ് നിറയുന്നു നിന്റെ തീർത്ഥം (2)
പാപങ്ങൾ കഴുകുമീ ശുഭമുഹൂർത്തം
(അഴുതയും പമ്പയും…)