വിശദവിവരങ്ങള് | |
വര്ഷം | 2001 |
സംഗീതം | ശ്രീകുമാരൻ തമ്പി |
ഗാനരചന | ശ്രീകുമാരൻ തമ്പി |
ഗായകര് | കെ ആർ ശ്യാമ |
രാഗം | ലഭ്യമല്ല |
ഗാനത്തിന്റെ വരികള് | |
Last Modified: February 29 2012 14:34:47.
കാറ്റു വന്നു വിളിച്ചതും താരാട്ടു നെഞ്ചിലുണർന്നതും ആർദ്രമായ നിലാവിൽ നിൻ ചിരി നേർത്തു നേർത്തു മറഞ്ഞതും ഓർത്തു പോവുകയാണു ഞാൻ ഓർത്തു പോവുകയാണു ഞാൻ (കാറ്റു വന്നു...) മുല ചുരത്തിയ നേരമെന്നെ തടവിലാക്കിയ പുഞ്ചിരി മധുരനൊമ്പരമൂറി നിൽക്കെ കളി വിടർത്തുമാ പുഞ്ചിരി കാല സാഗരവീചി പോലും കണ്ണു വെച്ചൊരാ പുഞ്ചിരി ഓർത്തു പോവുകയാണു ഞാൻ ഓർത്തു പോവുകയാണു ഞാൻ (കാറ്റു വന്നു...) വിരഹരാത്രിയിലെന്റെ മാറിൽ മിഴിയടച്ചു നീ ചാഞ്ഞതും മൗന മുദ്രകളോടെ മടിയിൽ പഴയ കുഞ്ഞായ് കിടന്നതും ഇരവിലെന്റെ വിഭാതകല്പന കവർന്നെടുത്തു നീ പോയതും ഓർത്തു പോവുകയാണു ഞാൻ ഓർത്തു പോവുകയാണു ഞാൻ (കാറ്റു വന്നു...) | |