Last Modified: February 29 2012 14:32:38.
 
വെണ്ണയുണ്ണും കണ്ണന്റെ വേണുഗാനം കേട്ട നേരം
വൃന്ദാവനമായി എന്റെ ജന്മം
നാരായണീയത്തിൻ നറും പാൽ ഭുജിച്ചപ്പോൾ
മേല്‍പ്പത്തൂരായെൻ മനം നിറഞ്ഞു നിന്നു
(വെണ്ണയുണ്ണും കണ്ണന്റെ...)

നെയ്‌വിളക്കിൻ നാളമെരിയും അഞ്ജനവർണ്ണന്റെ മുന്നിൽ
ഉഷഃപൂജയ്ക്കെന്നുമെന്റെ അഷ്ടപദിപ്പൂ (2)
ജയദേവകവിയുടെ കാവ്യാനുരാഗപ്പൂവിൽ
നർത്തനമാടുന്നു വർണ്ണമായി
അമ്പാടിക്കുഞ്ഞിൻ പാദം കണ്ടു വണങ്ങുവാൻ
കൈവല്യമേകനേ ഭഗവാനേ (2)
(വെണ്ണയുണ്ണും കണ്ണന്റെ...)

കളഭഗന്ധം പരത്തുന്ന കായാമ്പൂവർണ്ണന്റെ
പൂമെയ് പുണരുവാൻ ഉള്ളിൽ മോഹം (2)
കൗസ്തുഭം വിളങ്ങുന്ന കരുണാമയന്റെ രൂപം
പാദം പണിയുവാൻ മിഴിയേകണം
പാലാഴിനാഥാ കൃഷ്ണാ കാളിയമർദ്ദകാ
നിൻ മെയ് കാണുവാൻ കനിയേണം (2)
(വെണ്ണയുണ്ണും കണ്ണന്റെ...)