Last Modified: February 20 2019 09:03:11.
അഭയം നീയേ .. അഖിലവും നീയേ..
ചോറ്റാനിക്കര മായേ ..
തൃച്ചേവടിയിൽ തൊഴുതുണരുന്നൂ..
ഒരു നെയ്തിരിയായ് ഹൃദയം.


മകം തൊഴുതൊഴുകും കണ്ണീരോടെ കാൽത്തളിർ കരളിലുണർന്നാൽ...(2)
ജൻമജൻമാന്തര പുണ്യമല്ലോ
മനസും തപസും ധന്യമല്ലോ
നോവുമിരുളിലെ സൂര്യകലേ... നീറുമറിവിലെ ബോധകലേ ..(2)
എന്നെ ഞാനാക്കി മാറ്റും പ്രാണസംഗീതനാളിയിൽ... (2)
സുകൃതം പൂത്തുലാവും മധുരം
കൊണ്ടുമൂടുമോ... (2)


അകംനൊന്തു പാടുമെൻ നാവിൻ തുമ്പിൽ അമൃതായ് നീയുതിർന്നെങ്കിൽ... (2)
എന്റെ സ്വരാഞ്ജലി പൂർണമല്ലോ
എന്നിൽ കദനം കവിതയല്ലോ
നാദകലയുടെ പാല്യമയി ... വേദകലയുടെ സാന്ധ്യമയി..
എന്നെ ഞാനാക്കിമാറ്റും രാഗ
സൗഭാഗ്യമേകുമോ... (2)
ദുരിതം കൊണ്ടു നീറും മനസിൽ
ശാന്തിയേകുമോ ... (2)