| വിശദവിവരങ്ങള്‍ | |
| വര്‍ഷം | NA |
| സംഗീതം | വി ദക്ഷിണാമൂർത്തി |
| ഗാനരചന | കെ ജി മേനോന്‍ |
| ഗായകര്‍ | പി ജയചന്ദ്രൻ |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: April 18 2012 05:29:21.
സ്വാമിശരണം ശരണം മണികണ്ഠാ സ്വാമിശരണം ശ്രീഭൂതനാഥാ (2) (സ്വാമിശരണം ശരണം ) പമ്പയാര്‍ നിന്‍പാദപൂജകള്‍ ചെയ്തതെന്നും സമ്പല്‍സമൃദ്ധി വളര്‍ത്തിടുന്നു കൂപ്പുകൈയാല്‍ ചുറ്റും മാമല നില്‍ക്കുന്നു വാഴ്ത്തുന്നു നിന്നെ തപസ്സിരുന്നു് (സ്വാമിശരണം ശരണം ) പാപകര്‍മ്മങ്ങളെ പാവനമാക്കുന്നു പാറും പറവ ശരണമോതി ചന്ദനക്കാറ്റെന്നും വീശുന്നു ദേവന്റെ സുന്ദരമേനി തഴുകി മന്ദം (സ്വാമിശരണം ശരണം ) മാമരക്കൂട്ടങ്ങള്‍ അയ്യപ്പപാട്ടുകള്‍ താളത്തിന്നൊപ്പിച്ചു പാടിടുന്നു പൂവാടിയെങ്ങുമേ പൂത്താലമേന്തി നിന്‍ പൂജയ്ക്കൊരുങ്ങുന്നു ഭക്ത്യാദരം (സ്വാമിശരണം ശരണം ) പച്ചപ്പുല്‍ നല്‍പട്ടിന്‍ പാതയൊരുക്കുന്നു അങ്ങയ്ക്കു പൂങ്കാവനത്തില്‍ പോകാന്‍ അമ്പരമുറ്റത്തു നിത്യവും താരകള്‍ കര്‍പ്പൂരദീപം കൊളുത്തീടുന്നു (സ്വാമിശരണം ശരണം ) ഈരേഴുലോകങ്ങളൊക്കെയും അയ്യന്റെ പാദസേവയ്ക്കായൊരുങ്ങി നില്‍പ്പൂ ഞാന്‍ നിന്റെ കൈത്തിരിയേന്തി നില്‍ക്കുന്നു നിന്‍ ജ്യോതിയില്‍ ചേര്‍ന്നലിഞ്ഞീടുവാനായി (സ്വാമിശരണം ശരണം ) | |