Last Modified: February 29 2012 14:31:06.
 ഓ...
കദനത്തിൻ കാട്ടിലെങ്ങോ
കരിയില കൂട്ടിലെങ്ങോ
കരൾ നൊന്തു കഴിയുമെൻ‍
കുരുവി കുഞ്ഞേ
പനിമതിയറിയാതെ
പാതിരാവറിയാതെ
പവിഴചിറകു നീർത്തി
പറന്നു പോരൂ (കദനത്തിൻ..)

മണിമലർ കാവിലെങ്ങോ
മകരനിലാവിലെങ്ങോ
മകരന്ദ ലഹരിയിൽ മയങ്ങിവീഴാം
മലർവനമറിയാതെ
മധുമാസമറിയാതെ
മമ ജീവനേ ഒഴുകിപ്പോരൂ (കദനത്തിൻ..)

വിടവുള്ള കല്ലിലെങ്ങോ
വിറയാർന്ന കൊമ്പിലെങ്ങോ (2)
വീണുനൊന്ത കുഴലുമായ്
വരുന്ന കാറ്റേ
മതിയോടും പറയല്ലേ
മലരോടും പറയല്ലേ
അവളെ ഞാനിന്നു പാടി വിളിച്ച കാര്യം (കദനത്തിൻ..)
ഓ.. ഓ.. ഓ..