Last Modified: February 29 2012 14:30:26.

തൊഴുതു നിൽക്കും മകരസന്ധ്യേ അയ്യന്റെ
തിരുവാഭരണം കൊണ്ടു വന്നോ
മഞ്ഞല നീന്തി വരും കുളിർ കാറ്റേ അയ്യനു
അഭിഷേക നെയ്യും കൊണ്ടു വന്നോ
ആടാൻ പരിമള പനിനീരും കൊണ്ടു വന്നോ
(തൊഴുതു..)

നീലാകാശത്ത് നീന്തും മേഘങ്ങളേ
ആഴിക്കു കർപ്പൂരം കൊണ്ടു വന്നോ
താരങ്ങളേ നിങ്ങൾ ദീപാരാധനയ്ക്ക്
തിരി തെറുത്തോ എണ്ണ വിളക്കു വെച്ചോ
(തൊഴുതു..)

പമ്പയിൽ കുളിച്ചു വരും നാരായണക്കിളി
പടികളിലുടച്ചോ നാളികേരം
പ്രകൃതി പ്രഭാമയീ ദർശന പുണ്യത്തിനായി
മകരജ്യോതി വീണ്ടും തെളിയിച്ചോ
(തൊഴുതു..)