ഓടക്കുഴലെ
ആകാശവാണി ലളിതഗാനങ്ങള്‍
Odakkuzhale (AIR Lalithagaanangal )
വിശദവിവരങ്ങള്‍
വര്‍ഷം NA
സംഗീതംകെ എസ് ബീന
ഗാനരചനഓ എന്‍ വി കുറുപ്പ്
ഗായകര്‍കെ എസ് ബീന
രാഗംലഭ്യമല്ല
ഗാനത്തിന്റെ വരികള്‍
Last Modified: February 29 2012 14:30:23.
ഓടക്കുഴലേ... ഓടക്കുഴലേ...
ഓമനത്താമര കണ്ണന്‍റെ ചുംബന
പൂമധു നുകര്‍ന്നവളേ
രാഗിണി നീ അനുരാഗിണി മറ്റൊരു
രാധയോ രുഗ്മിണിയോ...
(ഓടക്കുഴലേ... )

എത്ര മധുമയ ചുംബന പുഷ്പങ്ങള്‍
ചാര്‍ത്തിച്ചു നിന്നെ കണ്ണന്‍ (2)
ആനന്ദ ഭൈരവി രാഗ നിലാവായ് നിന്‍
ആത്മാവലിഞ്ഞൊഴുകി...
ആത്മാവലിഞ്ഞൊഴുകി...
(ഓടക്കുഴലേ... )

കണ്ണന്‍റെ കയ്യിലെ പുല്ലാങ്കുഴലേ നീ
പുണ്യവതിയല്ലോ (2)
മോഹനരാഗ സുധാരസത്തിന്നായ് നീ
ദാഹിച്ചു നില്‍ക്കയല്ലോ
നീ ദാഹിച്ചു നില്‍ക്കയല്ലോ...
(ഓടക്കുഴലേ... )

പൊന്നംഗുലികളാല്‍ നിന്‍ കണ്ണ് പൊത്തുമ്പോള്‍
നിന്നെ തഴുകീടുമ്പോള്‍ (2)
നീലാംബരീ രാഗ നീഹാര ശീതള
മാലകള്‍ നീ അണിവൂ
മാലകള്‍ നീ അണിവൂ...
(ഓടക്കുഴലേ... )




 

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts