Last Modified: February 29 2012 14:29:54.
ഒരു നോക്കു കാണുവാനോടിയെത്തി
എന്റെ ഗുരുവായൂരോമനക്കണ്ണനാമുണ്ണിയെ
ഒരു നോക്കു കാണുവാനോടിയെത്തി
ആരും മയങ്ങുന്ന അഴകേറും മേനിക-
ണ്ടൊരുപാടുനേരം തൊഴുതുനിന്നു!
ഞാനൊരുപാടുനേരം തൊഴുതുനിന്നു!
(ഒരു...)

ആലിലക്കണ്ണനോടാരാരുമറിയാതെ
പറയുവാൻ പലതുമുണ്ടായിരുന്നു!
എന്നിട്ടും ആ കള്ളച്ചിരിയുടെ ലഹരിയിൽ
ഒന്നും പറയാതെ നിന്നുപോയ് ഞാൻ!
(ഒരു...)

ഓമനിക്കാനൊരു മയില്‍പ്പീലി തഞ്ചത്തിൽ
ചോദിക്കണമെന്നുണ്ടായിരുന്നു!
എന്നിട്ടും യാതൊന്നും ചോദിക്കാനാവാതെ
അമ്പരന്നങ്ങിനെ നിന്നുപോയ് ഞാൻ!
(ഒരു...)