Last Modified: February 29 2012 14:28:02.

നിനക്കായ് ദേവാ പുനർജ്ജനിക്കാം
ജന്മങ്ങൾ ഇനിയും ഒന്നു ചേരാം (2)
അന്നെന്റെ ബാല്യവും കൗമാരവും
നിനക്കായ് മാത്രം പങ്കുവയ്കാം
(നിനക്കായ്…)

നിന്നെയുറക്കുവാന്‍ താരാട്ടുകട്ടിലാ
ണിന്നെന്‍ പ്രിയനേ എന്‍ ഹൃദയം (2)
ആ ഹൃദയത്തിന്റെ സ്പന്ദനങ്ങള്‍
ഒരു താരാട്ടുപാട്ടിന്റെ ഈണമല്ലേ
നിന്നെവര്‍ണ്ണിച്ചു ഞാന്‍ ആദ്യമായ് പാടിയ
താരാട്ടു പാട്ടിന്റെ ഈണമല്ലേ
(നിനക്കായ്…)

ഇനിയെന്റെ സ്വപ്നങ്ങള്‍ നിന്റെ വികാരമായ്
പുലരിയും പൂക്കളും ഏറ്റുപാടും (2)
ഇനിയെന്റെ വീണാതന്ത്രികളില്‍
നിന്നെക്കുറിച്ചേ ശ്രുതിയുണരൂ
ഇനിയെന്നോമലേ നിന്നോര്‍മ്മ തന്‍
സുഗന്ധത്തിലെന്നും ഞാനുറങ്ങൂ…
(നിനക്കായ്…)