Last Modified: February 29 2012 15:08:12.

വെണ്ണിലാസോപ്പാല്‍ മുകില്‍ മുണ്ടലക്കുന്നു
വിണ്ണില്‍ ചിരിക്കുന്ന പെണ്ണ്
പുഞ്ചിരിപ്പതകൊണ്ടെന്‍ ദുഃഖം കഴുകു നീ
നീലം കലക്കട്ടെ കണ്ണ്

ഏഴുമഷികളില്‍ മുക്കിയ നൂലുകൊ-
ണ്ടഴകെട്ടുന്നു മഴവില്ല്
വര്‍ണ്ണക്കിനാക്കളെ തോരയിട്ടാറ്റുവാന്‍
കരളില്‍ ചരടുണ്ടോ ചൊല്ല്

നക്ഷത്രം നോക്കുന്നിതെന്തു നോട്ടം
നമ്മോടസൂയ നിറഞ്ഞ നോട്ടം
നഖം കടിച്ചെത്തിയ സന്ധ്യയെ കണ്ടപ്പോള്‍
സൂര്യനും നോക്കീ ചുട്ടനോട്ടം

പാഞ്ഞെത്തിയല്ലോ കിളുന്നുകാറ്റ്
പറുദീസചുറ്റിവരുന്ന കാറ്റ്
ആദവും ഹവ്വയും ആലിംഗനം ചെയ്തു
ആലവട്ടം വീശിനിന്നകാറ്റ്