Last Modified: February 29 2012 15:07:19.

കളരിവിളക്ക് തെളിഞ്ഞതാണോ
കൊന്നമരം പൂത്തുലഞ്ഞതാണോ
മാനത്തൂന്നെങ്ങാനും വന്നതാണോ
കുന്നത്തു സൂര്യന്‍ ഉദിച്ചതാണോ

കാരിരുളൊത്ത മുടിയഴകും
കാരിരുമ്പോടൊത്ത കൈക്കരുത്തും
ശംഖു കടഞ്ഞ കഴുത്തഴവും
മാറത്തു മാമ്പുള്ളിപ്പോര്‍ച്ചുണങ്ങും
(മാനത്തൂന്ന്..)

നാഗത്തളയിട്ട കാല്‍വടിവും
ചൊവ്വൊത്ത ചേകോന്‍റെ മെയ്യഴകും
പടകാളിമുറ്റം നിറഞ്ഞുനില്‍ക്കും
അങ്കക്കലയുള്ള വീരനാരോ
(മാനത്തൂന്ന്...)