Last Modified: February 29 2012 15:03:42.

തീരാത്ത ദുഃഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)

കദനത്തിൽ മുങ്ങിയോരജ്ഞാത കന്യതൻ
കവിളത്തെ നീർച്ചാലുപോലേ (2)
തിരുനാവാ മണലിൽ മിഴിയിങ്കൽ നിന്നും
ഒഴുകുന്ന കണ്ണീരല്ലോ നീ
ഒടുങ്ങാത്ത കണ്ണീരല്ലോ
തീരാത്ത ദുഃഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)

മാമാങ്ക യുദ്ധത്തിൽ പോരാളികൾ തൂകും
മാറത്തെ ചെഞ്ചോര പോലെ (2)
കർക്കിടകം വന്നൂ കലങ്ങി ചുവക്കും
മലനാട്ടിൻ കണ്ണീരല്ലോ നീ
വാടാതെൻ കണ്ണീരല്ലോ
തീരാത്ത ദുഃഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)