Last Modified: November 12 2015 10:37:46.

വാനം ചായും തീരം താരാട്ടും...
കാലം മൂളും...താരം കാതോർക്കും....
അലപോലവൾ എന്നിൽ...
വല നെയ്തൊരു സ്വപ്നം...
മിഴിമൂടുമീ നേരം..
ഇരുൾ വീശുമീ നേരം...
മായുമോ...മാറുമോ...കാനൽ കാർമേഘം...
വാനം ചായും തീരം താരാട്ടും...
കാലം മൂളും....താരം കാതോർക്കും....

രാപ്പളുങ്കിൻ തുള്ളി വീണ പായൽപ്പുഴയിൽ
ചാഞ്ഞുലഞ്ഞ ചന്ദ്രബിംബം
താനേ പൊലിഞ്ഞോ....
നാം തുഴഞ്ഞ നീർക്കൊതുമ്പിൻ ഓമൽപ്പടിയിൽ
നീ പറഞ്ഞ തേൻകഥകൾ പാടേ മറന്നോ....
വിളി കേൾക്കുമെങ്കിൽ...പൊന്നേ....
ഇനി ഏതു ദ്വീപിൻ....കോണിൽ
ഒരുപോലെ നമ്മൾ ചേർന്നു പാടും...
ആ....ആ....ആ.....ആ.....

വാനം ചായും തീരം താരാട്ടും...
കാലം മൂളും...താരം കാതോർക്കും....

ആളിയാളും സൂര്യതാപം മേയും കരയിൽ
കാറ്റെറിഞ്ഞ രാത്രിമുല്ല ആരെ തിരഞ്ഞൂ.....
നീറിനീറുമോർമ്മ വീണ്ടും ഏറേ നിറയും
ദീനദീർഘയാത്ര പോകെ ഞാനും കരഞ്ഞൂ...
തിര കേണു ചൊല്ലീ...മെല്ലെ
ഇനിയേതു ജന്മം...എങ്ങോ...
ഒരുപോലെ നമ്മൾ ചേർന്നു പാടും...
ആ....ആ....ആ.....ആ.....

വാനം ചായും തീരം താരാട്ടും...
കാലം മൂളും....താരം കാതോർക്കും....