Last Modified: February 29 2012 14:58:26.


 

നെഞ്ചത്തൊരു നന്തുണി മൂളി താനേ
കൊമ്പത്തൊരു പെൺകിളി തേങ്ങി ദൂരേ
തിറയാടും കവിൾ അരി മഞ്ഞൾ കോലം
ചിരി തൂകി നിൽക്കുന്നു ഈ രാവിൽ
(നെഞ്ചത്തൊരു....)


പടുതിരിയാളുന്ന കൽവിളക്കിൽ
എള്ളെണ്ണ കൈക്കുമ്പിൾ നീ പകർന്നു (2)
തെക്കൻ കാറ്റൂതുമ്പോൾ
കെടുതിരി അണയാതെ കാവലിരുന്നെന്റെ ഉള്ളമെന്നും
ആരിരാരോ ആരാരോ
(നെഞ്ചത്തൊരു....)


കോമരമാടുന്ന നിണവഴിയിൽ
കുംഭ നിലാവിന്റെ താലപ്പൊലി (2)
കണ്ണേറു തട്ടാതെ ഉള്ളു നോവാതെ
തോളിലുറക്കി ഞാൻ പൊൻകണിയേ
ആരിരാരോ ആരാരോ
(നെഞ്ചത്തൊരു....)