Last Modified: February 29 2012 14:53:35.

അക്ഷയ ശക്തികളേ അജയ്യ ശക്തികളേ
തോൽ വിയെന്തെന്നിതു വരെ അറിയാത്ത
സഖാക്കളേ മുന്നോട്ട് മുന്നോട്ട് നമ്മൾ മുന്നോട്ട് !

തഴച്ചു മുറ്റിയ കാലുകളേ
ചുടു വിയർപ്പിൽ മുങ്ങിയ മെയ്യുകളേ
അനന്തമായ് നീളുമീ രാജപാത തീർക്കാൻ
അണി നിരന്നവിരാമം മുന്നോട്ട്
(അക്ഷയ..)

വിശ്വദർശന സംസ്കാരങ്ങൾ തൻ
അശ്വരഥമിതുവഴിയൊഴുകി വരും
പ്രപഞ്ചവ്യാസമുള്ള മനസ്സുമായ് വീഥി
പ്രകൃതിക്കൊരഞ്ജന തുകിൽ ചാർത്തും
(അക്ഷയ..)

ചക്രവാളങ്ങൾക്ക് ഹസ്തദാനം ചെയ്യും
ഈ രാജപാത തീർക്കാൻ മുന്നോട്ട്
പുതിയൊരു രാജ്യത്തിൻ നിർമ്മാണ യജ്ഞത്തിൽ
മുഴുകിയൊരിൻഡ്യക്കു മുതൽക്കൂട്ട്
(അക്ഷയ..)