Last Modified: February 29 2012 14:38:37.
 

വനിതകളണിമാലേ ആരു നീ
മലരണിവനിപോലെ സുന്ദര
ചന്ദ്രലേഖാ നീവീശുകയില്ലൊരു
തങ്കരേഖയെന്‍ ഹൃദയേ

രംഭ നീയെങ്കിലുമെന്‍ പ്രേമസാമ്രാജ്യ
രമണീയലക്ഷ്മീ നീയാകാ
ഇന്ദിരയെങ്കിലുമേ എന്‍ മതിമന്ദിര
സുന്ദരിയാകാ നീ പോവുക നീ

ഗാനകലാദേവതേ എന്‍
റാണിയാകുവാനാകാ നിനക്കയേ
വരുമോ നീ വരുമോ ആടിവരുമോയെന്‍
പ്രേമരാധേ ജീവവനിയില്‍ പൊന്നുഷസ്സായി
നാഥേ നടമാടി ആടി വരുമോ പാടിത്തരുമോ

ആടിവരൂ ദേവീ വരൂ ദേവീ നടമാടി നീ
മമ ജീവിതാനന്ദ മലര്‍വാടി പോലെ
മധുമയസ്വപ്നങ്ങളുടലാര്‍ന്ന പോലെ
മനതാരിനാനന്ദ മധുതൂകി നീളേ
മഹിയിലെന്‍ ജീവിതഫലമേക ബാലേ
അനുരാഗഗീതങ്ങള്‍ പാടി നീ ചാലേ
നടമാടുകെന്നന്തരംഗത്തില്‍ നീളെ
അഴകിന്റെയാനന്ദനര്‍ത്തനം പോലെ
നടമാടു നടമാടു നടമാടു ബാലേ.