Last Modified: February 29 2012 14:35:02.
�ചന്ദനക്കിണ്ണം തട്ടി മറിച്ചിട്ടു
മന്ദഹസിക്കും അമ്പിളിക്കുട്ടാ (2)

താമരപ്പൂമുഖം തന്നിലെത്തി
ചേറു പുരട്ടിയ സുന്ദരക്കുട്ടാ


മാനത്തെ വീടിന്റെ മുറ്റത്തിരുന്നുള്ള
മണ്ണുവാരിക്കളി മതിയാക്കൂ (2)
ഇത്തിരി നേരത്തെ മൂവന്തി തന്നൊരു
പട്ടു കുപ്പായം മുഷിയില്ലേ (2)
(ചന്ദന)

ഇന്നലെ പൂത്തൊരു താരങ്ങളൊക്കെ നീ
തല്ലിക്കൊഴിച്ചതു കണ്ടല്ലോ (2)
വെള്ളിമുകിലിന്റെ വള്ളിക്കുടിലിൽ
കള്ളനൊളിച്ചതു കണ്ടില്ലേ (2)
(ചന്ദന)