വിശദവിവരങ്ങള് | |
വര്ഷം | 2007 |
സംഗീതം | ബിജിബാല് |
ഗാനരചന | അനില് പനച്ചൂരാന് |
ഗായകര് | അനില് പനച്ചൂരാന് |
രാഗം | ലഭ്യമല്ല |
അഭിനേതാക്കള് | ശ്രീനിവാസൻ ,ശിവജി ഗുരുവായൂർ ,ജഗതി ശ്രീകുമാര് |
ഗാനത്തിന്റെ വരികള് | |
Last Modified: February 29 2012 14:48:01.
ചോര വീണ മണ്ണില്നിന്നുയര്ന്നുവന്ന പൂമരം ചേതനയില് നൂറു നൂറു പൂക്കളായ് പൊലിക്കവേ നോക്കുവിന് സഖാക്കളെ നമ്മള് വന്ന വീഥിയില് ആയിരങ്ങള് ചോര കൊണ്ടെഴുതിവച്ച വാക്കുകള് ലാല്സലാം... ലാല്സലാം... മൂര്ച്ചയുള്ളൊരായുധങ്ങളല്ല പോരിനാശ്രയം തീര്ച്ചയുള്ള മാനസങ്ങള് തന്നെയാണതോര്ക്കണം ഓര്മ്മകള് മരിച്ചിടാതെ കാക്കണം കരുത്തിനായ് കാരിരുമ്പിലെ തുരുമ്പ് മായ്ക്കണം ജയത്തിനായ് നട്ടു കണ്ണുനട്ടു നാം വളര്ത്തിയ വിളകളെ കൊന്നു കൊയ്തുകൊണ്ടുപോയ ജന്മികള് ചരിത്രമായ് സ്വന്തജീവിതം ബലി കൊടുത്തു കോടി മാനുഷര് പോരടിച്ചു കൊടി പിടിച്ചു നേടിയതീ മോചനം സ്മാരകം തുറന്നുവരും വീറുകൊണ്ട വാക്കുകള് ചോദ്യമായി വന്നലച്ചു നിങ്ങള് കാലിടറിയോ? രക്തസാക്ഷികള്ക്കു ജന്മമേകിയ മനസ്സുകള് കണ്ണുനീരിന് ചില്ലുടഞ്ഞ കാഴ്ചയായ് തകര്ന്നുവോ? ലാല്സലാം... ലാല്സലാം... പോകുവാന് നമുക്കു ഏറെ ദൂരമുണ്ടതോര്ക്കുവിന് വഴി പിഴച്ചു പോയിടാതെ മിഴി തെളിച്ചു നോക്കുവിന് നേരു നേരിടാന് കരുത്തു നേടണം - നിരാശയില് വീണിടാതെ നേരിനായ് പൊരുതുവാന് കുതിക്കണം നാളെയെന്നതില്ല നമ്മളിന്നു തന്നെ നേടണം നാള്വഴിയിലെന്നുമമരഗാഥകള് പിറക്കണം സമത്വമെന്നൊരാശയം മരിക്കുകില്ല ഭൂമിയില് നമുക്കു സ്വപ്നമൊന്നുതന്നെയന്നുമിന്നുമെന്നുമേ സമത്വമെന്നൊരാശയം മരിക്കുകില്ല ഭൂമിയില് നമുക്കു സ്വപ്നമൊന്നുതന്നെ അന്നുമിന്നുമെന്നുമേ |