Last Modified: February 29 2012 14:44:55.

കാലത്തിന്‍ കളിയോടം രാപ്പകലിൻ ഓളം മായും
ദൂരമെന്ന തീരം തേടി അനുനിമിഷം വിധി തുഴയും
അനന്തമായ് ആ വഴി നീളുന്നു
(കാലത്തിൻ...)

ഞാൻ കൊതിച്ച തീരമെങ്ങോ ശ്യാമവന ച്ഛായയെങ്ങോ
ഈ വിഷാദം പുഞ്ചിരിയായ് പൂവണിയും നേരമെന്നോ
വാടും വെയിൽ പട്ടിൻ ദുഃഖഗാനം പാടാൻ
(കാലത്തിൻ...)

കാറ്റുലയ്ക്കും നീലവാനം കാറണിയും ഭാവികാലം
കാറ്റു പായ് തൻ ചിറകൊടിച്ചു ആർത്തി പൂണ്ട വിധി ചിരിക്കും
ചൂഴും ഇരുൾപ്പാടിൽ വീണ്ടും ദുഃഖം തേങ്ങീ
(കാലത്തിൻ...)