Last Modified: February 29 2012 14:26:58.




പാലാഴി കടയാതെ നമുക്കു കിട്ടിയ
നീലാദ്രിയല്ലേ സഹ്യാദ്രി - അതില്‍
പാല്‍ക്കുടംപോലെ പൊന്‍‌കുടംപോലെ
പവിഴക്കുടം‌പോല്‍ ശബരിഗിരി
(പാലാഴി)

താഴത്തു നില്‍ക്കുമ്പോള്‍ ഭക്തജനത്തിനു
താമരത്തേന്‍‌കുടം പൊന്നമ്പലം - അതില്‍
കുങ്കുമത്താല്‍ ഉഷസ്സന്ധ്യക്കുമന്തിക്കും
തങ്കക്കതിരവന്‍ കുറി വരയ്ക്കും
(പാലാഴി)

മേലോട്ടു ചെല്ലുമ്പോള്‍ മാലയിട്ടോര്‍ക്കെല്ലാം
മാണിക്യപ്പൊന്‍‌കണി മണികണ്ഠന്‍ - സ്വാമി
മണ്ഡലനാളിലും മകരവിളക്കിനും
മംഗളദായകന്‍ അനുഗ്രഹിക്കും
(പാലാഴി)