| വിശദവിവരങ്ങള്‍ | |
| വര്‍ഷം | NA |
| സംഗീതം | ബിച്ചു തിരുമല |
| ഗാനരചന | ശ്രീനാരായണ ഗുരു |
| ഗായകര്‍ | പി ജയചന്ദ്രൻ |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: January 09 2013 09:16:48.
ദൈവമേ കാത്തുകൊള്‍കങ്ങു കൈവിടാതിങ്ങു ഞങ്ങളേ നാവികന്‍ നീ ഭവാബ്ധിക്കോ- രാവിവൻ തോണി നിൻ പദം. ഒന്നൊന്നായെണ്ണിയെണ്ണി ത്തൊ- ട്ടെണ്ണും പൊരുളൊടുങ്ങിയാൽ നിന്നിടും ദൃക്കു പോലുള്ളം നിന്നിലസ്‌പന്ദമാകണം. അന്ന വസ്ത്രാദി മുട്ടാതെ തന്നു രക്ഷിച്ചു ഞങ്ങളെ ധന്യരാക്കുന്ന നീയൊന്നു- തന്നെ ഞങ്ങള്ക്കു തമ്പുരാൻ ആഴിയും തിരയും കാറ്റും- ആഴവും പോലെ ഞങ്ങളും മായയും നിന്‍ മഹിമയും നീയുമെന്നുള്ളിലാകണം. നീയല്ലോ സൃഷ്ടിയും സൃഷ്ടാ- വായതും സൃഷ്ടിജാലവും നീയല്ലോ ദൈവമേ,സൃഷ്ടി- യ്ക്കുള്ള സാമഗ്രിയായതും നീയല്ലോ മായയും മായാ- വിയും മായാവിനോദനും നീയല്ലോ മായയെ നീക്കി - സായൂജ്യം നല്കു മാര്യനും. നീ സത്യം ജ്ഞാനമാനന്ദം നീ തന്നെ വര്ത്താമാനവും ഭൂതവും ഭാവിയും വേറ- ല്ലോതും മൊഴിയുമോർക്കിൽ നീ അകവും പുറവും തിങ്ങും മഹിമാവാർന്ന നിൻ പദം പുകഴ്ത്തുന്നൂ ഞങ്ങളങ്ങു ഭഗവാനേ, ജയിയ്ക്കുക. ജയിയ്ക്കുക മഹാദേവ, ദീനവന പരായണാ ജയിയ്ക്കുക ചിദാനന്ദ ദയാസിന്ധോ ജയിയ്ക്കുക. ആഴമേറും നിന്‍ മഹസ്സാ- മാഴിയിൽ ഞങ്ങളാകവേ ആഴണം വാഴണം നിത്യം വാഴണം വാഴണം സുഖം. | |