Last Modified: June 19 2013 05:06:56.

കാണിപ്പൊന്നായ് തങ്കത്തിങ്കൾ തീരും യാമം
മേഘപ്പൈയ്യിൻ മെയ്യാൽ അയ്യനു അഭിഷേകക്കാലം (2)
കനകം ചാർത്തി മടങ്ങി മെല്ലെ
പടിഞ്ഞാറെപ്പടിയിലെ ദേവസൂര്യൻ
ചിന്മുദ്ര തെളിയുമ്പോൾ ശ്രുതി മീട്ടി സുരലോകം
സ്വാമി അയ്യൻ വാണരുളും സന്നിധാനം
സാധകർക്കു പുണ്യമായ മന്ത്രതീരം
(കാണിപ്പൊന്നായ്…)

ആദിയുമന്തവും ഇല്ലാതെ
അവനിയെ ഭരിക്കുന്ന പെരുമാളേ (2)
അരവണ മധുരം നുണയുകയായ് ഞാൻ
ജന്മ ജന്മാന്തര നിധി പോലെ (2)
ഇതിനാലെ അടിയന്റെ ജാതകം ഇനി ധന്യം
സ്വാമി അയ്യൻ വാണരുളും സന്നിധാനം
സാധകർക്കു പുണ്യമായ മന്ത്രതീരം(2)

മൂകനെ ഗായകനാക്കീടും
കാരണപുരുഷനാം ഭഗവാനേ (2)
അശരണജന്മം അറിയുകയായി
കല്പാന്തപുണ്യത്തിൻ സുഖതാളം (2)
പുഴ പോലെ ഒഴുകുന്നു അയ്യപ്പ തിരുനാമം
സ്വാമി അയ്യൻ വാണരുളും സന്നിധാനം
സാധകർക്കു പുണ്യമായ മന്ത്രതീരം (2)
(കാണിപ്പൊന്നായ്…)