Last Modified: June 19 2013 05:05:45.

അയ്യപ്പാ ശരണം നീയേ ഗുരുനാഥാ
മണികണ്ഠാ അഭയം നീയേ ശിവജാതാ
വേദസുധാംശു കനിയേണേ
നാദപയോധിയിൽ ഉണരേണേ
വൃശ്ചികമാസനിലാവിലെനിക്കിനി ദർശനമരുളേണേ
(അയ്യപ്പാ ശരണം….)

ഇവിടമാണടിയന്റെ സ്വർഗ്ഗലോകം
ഇതിഹാസം ഇതൾ ചൂടും പുണ്യതീരം (2)
ഒരു വട്ടമിവിടേയ്ക്ക് അണയുവാനാകാത്ത (2)
നരജന്മം നേടുമോ സഫലമോക്ഷം
പരമാർത്ഥ സുകൃതത്തിൻ ദേവതീർത്ഥം
(അയ്യപ്പാ ശരണം….)

കലിദോഷമകലുന്ന ദിവ്യയാമം
കൺ കണ്ട സ്വാമിയ്ക്ക് എൻ പ്രണാമം (2)
അഴുതയും പമ്പയും ആത്മാവിലൊഴുകുമ്പോൾ (2)
അഴലാകെ ഒഴിയുന്ന ധന്യകാലം
മിഴിനീരിനാലെന്റെ അഭിഷേകം
(അയ്യപ്പാ ശരണം….)