Last Modified: February 29 2012 14:30:24.
 

കിളിച്ചിന്തു പൈങ്കിളിച്ചിന്ത് കിളരെ കിളരെ
തുഞ്ചൻ പാടിയ മലയാളക്കൊഞ്ചലുണരും
കൊഞ്ചലുണരും പഴം പുരാണച്ചിന്ത് കിളിച്ചിന്ത്
മണിയും പവിഴവും ഇടകലരും മന്ത്ര മഞ്ജീരമേളം
(കിളിച്ചിന്ത്..)


ഓംകാരപ്പൊരുളായ് താതന്റെ സാക്ഷിയായ്
ബോധം പകരും ഹരിനാമകീർത്തനങ്ങളാലേ (2)
അദ്വൈതപ്പൊരുളിൻ വിദ്യുന്മേഖലയിൽ
പരാജ്ഞാന പരമാനന്ദം പകരൂ
മന്ത്ര മഞ്ജീരമേളം
(കിളിച്ചിന്ത്..)


കണ്ണിന്നുൾക്കണ്ണായ് ഏകാന്തജ്യോതിസ്സായ്
മോഹം കളയും പരമാത്മാ ദർശനങ്ങളാലേ (2)
ഭക്തിക്കാധാരം ശ്രദ്ധയ്ക്കാലംബം
ഇതേ പരമഭാഗവതാ കഥാ മരന്ദം
മന്ത്ര മഞ്ജീരമേളം
(കിളിച്ചിന്ത്..)