Last Modified: February 29 2012 14:28:50.
മയിലാടും നേരം കുയില്‍ പാടും നേരം
കുളിരേകും രാഗം ചൊരിയു നീ മെല്ലെ
അധരത്തിലൂറും മധുര സംഗീതം
തളിരിളം മെയ്യില്‍ തളിരിടും താളം
തരളിതമാകും അകതാരിലേകൂ
(മയില്‍ )

കഥ പാടി ഞാനും അത് പാടി നീയും
കഥ കേള്‍ക്കും നേരം വ്യഥ നൃത്തമാടി
വിരഹത്തിന്‍ ഗാനം ... ആ .... സിരകളിലോടി
അകന്നു നാം തമ്മില്‍ അകലെയായ് നമ്മള്‍
കൊതിക്കുന്നു ഞാനും അനയുവാന്‍ മുന്നില്‍
(മയില്‍ )

കടല്‍ത്തിര പോലെ തിരയുന്നു ഞാനും
അലകടല്‍ പോലെ കരഞ്ഞീടുമിന്നും
ശോകാര്‍ദ്ര ഭാവം .... ആ ... പാടിടുന്നു ഞാന്‍
തകരുമീ മാറില്‍ പകരു നിന്‍ നാദം
മുകിലേ നീ വാ വാ കുളിരെകിടാന്‍ വാ
(മയില്‍ )