Last Modified: December 24 2022 16:19:54.
മഴ മാറി മാനം തെളിഞ്ഞൂ വിണ്ണിൽ താരകം പൂത്തു നിറഞ്ഞൂ ........
മാനത്തൊരുക്കിയ നക്ഷത്ര ശോഭകൾ
കണ്ടവരൊന്നാകെ
മണ്ണിലും വീഥിയൊരുക്കീ
പാരിലും വീഥിയൊരുക്കി........
(മഴ മാറി മാനം .......... )

നൽകേണമേ, സ്നേഹം നൽകേണമേ
തിരുനാമം വാഴ്ത്തുമീ  ഞങ്ങൾക്ക്
നേർവഴി കാട്ടീടണേ..... സത്യത്തിൻ നേർവഴി തെളിച്ചീടണേ,
സ്വാർത്ഥത മാറ്റേണമേ, എന്നിലെ കാലുഷ്യമകറ്റേണമേ......(സ്വർത്ഥത......)
പങ്കിലമാം മനസിനെ നിർമലമാക്കേണമേ........ നിത്യവും സ്നേഹം ചൊരിയേണമേ...(പങ്കില മാം.....
നിത്യവും സ്നേഹം ചൊരിയേണമേ...
(മഴ മാറി മാനം........ )

സ്നേഹസ്വരൂപനാം കർത്താവിൻ നാമത്തെ
പ്രാർത്ഥനയോടെ ഞങ്ങൾ എന്നും സ്തുതിച്ചീടുന്നു(സ്നേഹ..)
നിത്യ സാന്നിദ്ധ്യം കൊതിച്ചീടുന്നു.....
അന്ധത മാറ്റേണമേ, അകതാരിൽ ശാന്തി പകരേണമേ...(അന്ധത....)
എന്നുമെൻ ജീവിത പാതയിൽ തുണയായി ഇരുൾ മാറ്റി വെളിച്ചം തൂകേണമേ,(എന്നുമെൻ...)
ഇരുൾ മാറ്റി വെളിച്ചം തൂകേണമേ.....
(മഴമാറി മാനം തെളിഞ്ഞൂ....)